ئامانجی ئەم کەمپینە چیە؟

ئامانجی ئەم کەمپینە بۆ ئەوەیە بتوانین دارستانی بەڕوو لە شاری هەولێر، سەر شەقامی 120 مەتری ببەینە قۆناغی دێمی. وەکو لە نەخشەکە دەبینن، 320 هەزار داربەڕوو بە دەنك و نەمام چێندراوە، شانبەشانیان داری گەشەی خێرا و سێبەردار چێندراوە، دارستانێك بناغەی بۆ داندراوە کە بۆ پەنجا ساڵ خزمەت بکات، لە ئێستادا لە قۆناغی سەرەتایی گەشەیدایە، دەمانەوێت گەشەی بەڕووەکان بگەینینە قۆناغی دێمی، بەڕوو بەوەی ناسراوە ڕەگی زۆر دەچێتە قوڵایی، دوای سێ ساڵ، پێویستیان بە ئاودان نامینێت و خۆیان دەتوانن بەدوای ئاو بگەڕێن. ئەم ساڵ ساڵی سێیەمی دارستانەکەیە، پێویست دەکات بە سەلامەتی و بتوانین لەگەڵ گەرمای هاوین ئاودانیان بۆ بکەین، خۆشبەختانە، توانیتمان سەرچاوەیەکی ئاوی بەردەوام لەڕێگەی ئاوی ڕیسایکلینگ هەر لەو شوێنە دابین بکەین، بۆیە ئەرکی ئاودانمان بەتەواوی تێکدەکاتەوە لەگەڵ مەرجە ژینگەییەکان.

بۆچی پڕۆژەی ملیۆن بەڕوو گرینگە؟

پڕۆژەی ملیۆن بەڕوو چارەسەری سروشتیە بۆ پرسی بەرەنگاریبوونەوەی گۆڕانی کەشوهەوا. لەسەر ڕووبەرێکی گەورە دروستکراوە، کاریگەری گلدانەوەی گازی دوانۆکسیدی کاربۆن لە پێنجەم ساڵیدا وەکو ئەوەیە 1300 ئۆتۆمبێلت لابردبێت. نزیکەی دوو پلە لە پلەی گەرمی دەوروبەری خۆی دەهێنێتە خوارەوە. لە دیزاینەکەی نزیکەی 20 کیلۆمەتر هێلی پاسکیل و ڕاکردنی تێدایە. چاڵاکی زیندەگی خۆڵەکەی بەرزکردیتەوە، هەر بۆیەش مەترسی بەبیابانبوونی لەسەر نەمایە. سەرچاوەی ئاویەکەی لەسەر ڕیسایکلکردنەوەی ئاوی گەڕەکی پێنجی حەسارۆک دابینکراوە. یەکەم پڕۆژەی لابردنی کاربۆنە لەڕێگەی چارەسەری سروشتی لەسەر ئاستی ڕۆژهەڵاتی ناوەڕاست. 

کۆمەك کردن

ئەگەر لەناو هەرێمی کوردستانبیت، دەتوانیت لەڕێگەی حەواڵەی فاستپەی یاخود ئێف ئای بی لە ڕێگەی ئەژمارەکانی ڕێکخراو بنێریت. ئەگەر لەدەرەوەی هەرێمی کوردستانیت؛ دەتوانیت بەشێوازی بیتکۆین بۆ ئەدرێسی ڕێکخراو بنێریت. پڕۆسەی کۆمەكکردنەکە بەشێوەیەکی شەفاف ئەنجام بەڕیوە دەچێت، هاوڵاتی دەتوانێت ببینێت چەند کۆمەك بۆ ڕێکخراو هاتووە، ڕێکخراو بەخۆی پێویستی بە چەند کۆمەك هەیە، چەندیش لەو کۆمەکە کاری پێکراوە